തൈക്കാടു അയ്യാ സ്വാമികള്(൧൮൧൪-൧൯൦൯)
അടിമത്തത്തില് ആണ്ടു കിടന്നിരുന്ന ഭാരതീയരില് പത്തൊന്പതാം നൂറ്റാണ്ടില് ആത്മീയ ഉണര്വുണ്ടാക്കിയ നവോത്ഥാന നായകരില് രാജറാം മോഹന് റോയി(൧൭൪൪-൧൮൩൨,) ദയാനന്ദ സരസ്വതി(൧൮൨൪-൧൮൮൩), ശ്രീരാമ പരമഹംസര് (൧൮൩൨-൧൮൮൬), രാമലിംഗര് (൧൮൨൩-൧൮൮൩) എന്നിവരോടൊപ്പം എടുത്തു കാട്ടേണ്ട നാമമാണു ശിവരാജ യോഗി തൈക്കാട് അയ്യാ സ്വാമികളുടേയും.
ആത്മീയതക്കും ഭൌതീകതക്കും തുല്യ പ്രാധാന്യം നല്കി, ജാതി മത വര്ഗ്ഗ വര്ണ്ണ ലിംഗഭേദമന്യേ സാധാരണക്കാരുടെ ഇടയിലേക്കു ഇറങ്ങി ചെല്ലുകയും താഴ്ന്ന വിഭാഗങ്ങളില് ഉള്ളവര്ക്കും ബ്രാഹ്മണരോടും ഉന്നതകുല ജാതനായ തന്നോടും ഒപ്പം തുല്യസ്ഥാനം നല്കുകയും ചെയ്ത യോഗിവര്യനായിരുന്നു ശിവരാജയോഗി തൈക്കാടു അയ്യാ സ്വാമികള്.
൧൩൦ വര്ഷം മുന്പു തിരുവനന്തപുരത്തെ തൈക്കാടു വച്ചു തൈപ്പൂയ സദ്യക്കു ബ്രാഹ്മണരോടും തന്നോടും ഒപ്പം പുലയ സമുദായത്തില് ജനിച്ച അയ്യങ്കാളിയെ ഒപ്പമിരുത്തി അയിത്തോച്ചാടനത്തിനായി "പന്തി ഭോജനം" ലോകത്തില് തന്നെ ആദ്യമായി ആരംഭിച്ചതു അയ്യാ സാമികളായിരുന്നു. സവര്ണ്ണര് അദ്ദേഹത്തെ ആക്ഷേപിച്ചു. "പാണ്ടിപ്പറയന്"," എന്നു വിളിച്ചു. "ഇന്ത ഉലകത്തിലെ ഒരേ ഒരു മതം താന്, ഒരേ ഒരു ജാതി താന്, ഒരേ ഒരു കടവുള് താന്" എന്നായിരുന്നു അയ്യാ സ്വാമികളുടെ മറുപടി.
Sunday, July 20, 2008
Subscribe to:
Post Comments (Atom)
No comments:
Post a Comment